heilsan

Heilsan mín hefur aldrei verið það góð. Alla vegna ekki í undanfarin ár.
Var alveg fárveik í síðustu viku. Fékk flensuna og síðan augnsýkingu. Fór ekki í skólann frá Manudag framm að Miðvikudag. Og var síðan á tveimur mismunandi lyfjum og þurfti að taka augndropa. Alveg hrikalegt.

En það er nú ekki aðal sagan í dag. Ó nei.
Fyrir tæplega tveimur og hálfum árum þá uppgötvaðist það að ég væri með lágan blóðþristing. Þetta kom uppá af því að það leið yfir mig. Og síðan þá hef ég oft fengið þá tilfinningu að það sé að líða yfir mig. Oftast lagast þetta þegar ég leggst niður þannig að ég var ekkert að hafa neinar áhyggjur af þessu.
Síðan undanfarna mánuði hefur þetta gerst oftar og oftar, sérstaklega á morgnana þegar ég er á leið í sturtu.
Og í gær gerðist þetta aftur. Þá hringdi ég í mömmu eld snemma og hún þurfti að koma niður í baðherbergið mitt og hjálpa mér á fætur. Síðan ákvað hún að þetta kom fyrir aðeins of oft; þetta er annað skiptið í rúmlega fjóra mánuði sem hún þarf að koma niður til mín og hjálpa mér. Þannig að mamma pantaði tíma hjá lækni fyrir mig í gær.

Við fórum þá til læknis og mamma sagði honum frá þessu. Og hann sagði að ég væri með 'Orthostatic hypotension'. Sem sagt er ég með mjög lágan blóðþrysting, og þegar ég stend upp eða hreyfi mig skyndilega þá rennur það litla blóð sem ég er með í heilanum, að jörðu. Og þá svimar mér og sé ekki vel og þá getur oft liðið yfir mig.
Læknirinn mældi þá blóðþrystinginn minn og hann er u.þ.b. 90/60. Sem er hættulega lágt. Og ef að blóðþrýstingurinn lækkar meira þá er hætta á því að ég deyji. Og þess vegna þarf ég núna að taka pillur á hverjum degi til að hækka blóðþrýstingin min.
Síðan sagði læknirinn okkur að það er séns á að ég sé anaemic (anaemia er blóðleysi - look it up) og hann ákvað að senda mig í blóðprufu til að finna út hvort hann hafi rétt fyrir sér.
Þannig ég fór í mína fyrstu blóðprufu í gær. Ég hef aldrei látið taka blóð úr mér, ég hef enga hugmynd um hvaða blóðflokk ég er í, og ég hef aldrei gefið blóð. Ég og mamma fórum þá upp á spítala og létum taka blóð úr mér. En þá gat hjúkrunakonan ekki séð almennilega æð í handleggnum, s.s. engin æð 'popped out' þannig hún þurfti að setja nálina í hendina mín, og þetta var rosalega sárt skal ég segja þér.

En síðan hringdi læknirinn í mig dag til að tilkynna það að ég væri ekki með blóðleysi, heldur er ég bara ágætlega heilsusöm. Woohoo.
En ef ég hefði verið með anaemia, þá hefði ég loksins verið komin með almennileg útskýring yfir mörgum hlutum, t.d. af hverju mér er alltaf svo kalt, af hverju ég fæ alltaf sár í munnvikið, af hverju ég er svo rosalega pale. Og bara allskyns þannig.

En ég er nú bara ánægð að vera ekki með þennan sjúkdóm :)

Klukk

Ok. Mamma klukkaði mig, best að klára þetta núna og get it out of the way

Fjögur störf sem ég hef unnið um ævina:
passa Rúnar Atla
passa Rúnar Atla
einhverja vinnu á íslandi (er ennþá ekki byrjuð í henni, byrja bara um jólin)
selja biltong á Windhoek Show (byrja væntanlega á föstudaginn)

Fjórar kvikmyndir sem ég held upp á:
Oliver and Company
Chitty Chitty Bang Bang
Rocky Horror Picture Show
Grease

Fjórir staðir sem ég hef búið á:
Vancouver
Galway
Windhoek
Akranes

Fjórir sjónvarpsþættir sem mér líkar:
Friends
Grey's Anatomy
Gossip Girl
The O.C.

Fjórir staðir sem ég hef heimsótt í fríum:
Svíþjóð
Kaupmannahöfn
Kanada
Ísland

Fjórar síður sem ég skoða daglega fyrir utan blogg:
facebook.com
yahoo.com
myspace.com
perezhilton.com

Fernt sem ég held upp á matarkyns:
mcdonalds
subway
kjúklingurinn hennar mömmu
ihop pönnukökur

Fjórar bækur sem ég les oft:
Eitthvað eftir James Patterson
Eitthvað eftir Dan Brown
Eitthvað eftir John Connolly
The Twilight Saga (Twilight, New Moon, Eclipse og Breaking Dawn)

Fjórir staðir sem ég vildi helst vera á núna:
Kanada
Upp í rúmi
New York
London

Ég held að næstum því allir sem ég þekki sem er með blogg eru þegar búin að vera klukkuð þannig að ég sé ekki tilgangin í að klukka einhvern :)

Listin

Gleymdi að ég ætlaði að setja inn mynd af listaverkinu sem ég þurfti að skila inn í síðustu viku.
Var ágætlega ánægð með myndina, fannst hún ekkert sérstök. En ég var með lítinn tíma til að klára hana og ef að ég hefði verið með lengri tíma þá hefði hún örugglega verið betri.
Topic-ið var 'Mouth of Truth' og þetta var Interpretive. Þetta er semsagt val milli heaven og hell og er, augljóslega, inni í munni.

Æfing....

S.l. laugardag ákváðum við pabbi að það væri kominn tími til að leyfa mér að æfa mig í því að keyra, aðallega þannig að ég kann að keyra almennilega þegar ég fæ æfingaleyfið mitt.
Þannig að á sunnudaginn var ég vakin eld snemma - klukkan 9 sko - og mér er sagt að koma upp og elda morgunmat. Ég ákvað nefnilega að læra að gera kanadískar pönnukökur og pabbi samþykkti að kenna mér. Og ég verð að segja, þær tókust bara mjög vel :)
Síðan kláraði ég alla heimavinnuna mína, mjög stolt :)
Síðan um eitt leitið var lagt af stað í bíltúr.

Hann Rúnar Atli ákvað að koma með og við keyrðum í átt að Walvis Bay, baka leiðina, sem fer framhjá mörg fjöll og er ekki steyptur vegur, heldur er vegurinn bara sandur.
Eftir rúmlega 30 km þá tók ég við og fór að keyra :)
Fyrsta skiptið sem ég drep ekki á vélinni, mjög stolt yfir því :) Ok. Það er lygi. Ég drap á vélinni. En bara af því að hann faðir minn öskraði allt í eina 'STOPP' og ég vissi ekkert hvernig ég átti að gera það. En ég náði að stoppa eftir nokkra metra. Fékk þá að vita að ég væri komin of langt framhjá ÖPUNUM og ætti að snúa við. Þannig að ég snéri við, mjög vel gert, if I do say so myself. Sérstaklega af því að ég hef aldrei bakkað áður.
Síðan var haldið heim, og ég fékk að keyra alveg upp að 4-way stopp þar sem pabbi tók við stýrið.
Ég keyrði rúmlega 60 km, og mér fannst ég ganga frekar vel. Miðað við það að ég er ekkert sérstaklega góð að sleppa kúplingunni á réttum tíma.

Síðan var Rúnar Atli spurður hvort að ég gerði vel.
Svarið hans --> 'Nei.'
Skemmtilegur :)

Veikindi

Ákvað að blogga aðeins áður en ég fer að sofa :)

Ekkert mikið er búið að gerast hér á þessum hluta heimsins.
Öll fjölskyldan hefur verið veik s.l. vikuna. Fyrst Rúnar Atli, síðan pabbi, síðan mamma og svo núna ég.
Alveg hrikalegt.

Síðan byrjaði skólinn á miðvikudaginn, síðasta önnin mín í 11. bekk :) Reyndar fór ég bara í skólann á miðvikudaginn og hluta fimmtudags. For heim snemma af því að mér leið ekki vel, og svo treysti ég mér ekki í skólann á föstudaginn. Alveg hrikalegt. Og núna á ég rúmlega eitt ár eftir af skóla :) verð búin með 12. bekk í október 2009, hlakka til ekkert smá mikið :)

Og það er staðfest að við fjölskyldan verðum á íslandi um jólin. Ég og mamma leggjum af stað héðan 30. nóvember; u.þ.b. 2 mánuðir í það; og við verðum í tæplega 6 vikur, leggjum af stað heim 11. janúar. Og til að koma öllum á óvart, þá hlakka ég reyndar til að fara til íslands. Ég stefni á því að fá æfingaleyfið mitt núna um jólin og svo vonandi fer ég aftur til íslands í apríl/maí á næsta ári til að taka ökuprófið.
Og síðan er hún elsku systir mín búin að redda mér vinnu um jólin þannig ég mun hafa alveg fullt til að gera. :)

Annars er ekkert mikið að gerast hjá mér. Er reyndar að reyna að ákveða hvort ég á að gera interpretive eða theory í listum. Erfið ákvörðun. Mjög erfið.+

Jæja, ég ætla að fara að sofa núna. Þarf víst að mæta í skólann á morgun.

Hárið

ákvað að setja inn eina mynd af hárinu, sést kannski ekki alveg það vel en jæja; þetta verður bara að duga :)

o8.o8.o8

Já já... Það eru nú bara akkúrat 2 mánuðir síðan ég bloggaði seinast og þá ákvað ég bara að blogga aftur :)

Er ný komin í frí, jippí :) Skrifaði síðasta prófið á miðvikudaginn og var bara mjög ánægð með það...
Svo var mér sagt af mömmu og pabba að ég ætti að blogga um listaprófin mín. Og ég skal bara fara aðeins nánar út í það...
Ég skrifaði (teiknaði?) s.s. tvö listapróf á þessari önn, bæði 10 tíma próf. Það fyrsta var á miðvikudegi eftir skóla og á fimmtudagsmorgni; og það seinna á föstudegi eftir skóla og laugardagsmorgni.

Og núna er ég komin í frí í rúmlegan mánuð :) ekkert smá ánægð.

Svo fór ég í klippingu í gær. Lét lita hárið aðeins ljósara, og klippti það aðeins styttra. s.s., það er frekar stutt að aftan og aðeins síðara að framan. Mjög flott. Er reyndar ekki búin að taka mynd, en verð nú ekki lengi að því :)

En jæja, veit ekki hvað ég get meira sagt þannig að ég ætla bara að fara og fá mér eitthvað að borða.

Hér eru svo myndir af listaprófunum: